27 авг 11:33
Янгиликлар

Енгил атлетика, Сув спорти турлари

Ёшларимиз замонавий бешкураш бўйича ўз маҳоратларини намойиш этишди

Ўзбекистон спортчиларини 2022 йилги ўсмирлар Олимпиадаси ва 2024 йилги Олимпия ўйинларига тайёрлаш бўйича ишлаб чиқилган дастур асосида тегишли селекция ишлари олиб борилмоқда.

Иқтидорли ёшларни саралаб олиб, уларни терма жамоа таркибига жалб қилиш бўйича Ўзбекистон замонавий бешкураш федерацияси томонидан навбатдаги спорт мусобақаси ташкил этилди.

Беллашувлар замонавий бешкураш таркибига кирган сузиш ва югуриш йўналишлари бўйича 8 хил ёш тоифасида ташкил этилди. Ўзбекистон кубоги мақомида кечган мазкур турнирда 75 нафар иштирокчи ўз омадини синаб кўрди.

Иккикураш тарзида кечган мусобақа томошабоплиги билан кўпчиликнинг эътиборида бўлиб, ушбу спорт тури ва соғлом турмуш тарзи тарғиботига ўз хиссасини қўшгани билан ажралиб турди.