19 июл 08:04
Янгиликлар
Енгил атлетика, Футбол
Ёз – 2018 спорт мусобақалари бошланди
Мамлакатимизнинг барча ҳудудларида бўлганидек, Тошкент вилоятининг Зангиота туманида ҳам анъанавий ҳар йили ўтказиб келинаётган Ёз – 2018 спорт мусобақаларига старт берилди.
Футбол, енгил атлетика, армреслинг, шашка, стол тенниси, сузиш, қувноқ стартлар бўйича ўтказилаётган баҳсларда 13-15 ёшгача бўлган минг нафардан зиёд уюшмаган ёш ғолиблик учун беллашмоқдалар.
Мусобақаларнинг дастлабки кунидаги 100, 400 м. масофага бўлган югуриш баҳсларида ака-ука Аброр, Анвар Худойбердиевлар, шунингдек, Дилшод Ярашев ғолиб ва совриндорлар қаторидан ўрин олишди.
– Ҳали ёшлар ўртасидаги қизиқарли баҳслар олдинда турибди. Асосий мақсад ёзги татил пайтида ўғил-қизларимизни бўш вақтларини мазмунли ўтказишдир, – дейди Зангиота туман Болалар-ўсмирлар спорт мактаби раҳбари Комилжон Одилов.
Баҳслар шу йилнинг 22 июль санасигача давом этади.
Ҳавола :
Манба : uza.uz
Фикрлар