Юлдузли кард йиғилмоқда. Суҳроббек Атажанов ҳам Тошкентда жанг қилади (ПОСТЕР)

Мусобақа асосий кардидан ўрин олган навбатдаги беллашув расман эълон қилинди.

Унга кўра, энг енгил вазн тоифасида жанг қилувчи ўзбекистонлик аралаш якка кураш устаси Суҳроббек Атажанов турнир доирасида ўзининг навбатдаги жангини ўтказади. Хоразм вилоятида туғилган Атажановга ўша куни Қирғизистон вакили Азизбек Келдибек Уулу рақиблик қилади.

Турнирнинг марказий жанги лига чемпиони бўлиб турган ҳамюртимиз Анвар Абдуллаев ва озарбайжонлик Фарид Алибабазаде ўртасида кечади.

Маълумот учун, Суҳроббек Атажанов фаолияти давомида 8 та жанг ўтказиб, 7 та ғалаба ва 1 та мағлубият қайд этган. Азизбек Келдибек Уулу ҳисобида эса 12 та ғалаба ва 7 та мағлубият бор.