20 мар 11:32
Янгиликлар

Спорт курашлари, Кураш

Юнон-рум кураши. Тошкентда халқаро турнир ўтказилади

25-27 март кунлари пойтахтимизда Ўзбекистон Республикасида хизмат кўрсатган мураббий Комил Фаткуллин соврини учун юнон-рум кураши бўйича халқаро турнир бўлиб ўтади.

Республика олимпия захиралари коллежи мезбонлик қиладиган мусобақада 2001-2002 йилда туғилган ўсмирлар иштирок этишади. Юртимизнинг ёш, истеъдодли полвонларидан ташқари Россия, Озарбайжон ва қўшни мамлакат курашчилари ҳам турнирда қатнашиш истагини билдиришган.

Баҳслар 10та вазн тоифасида ташкил этилади. 25 март куни спортчиларни тарозидан ўтказиш маросими ўтказилади. 26 март санасида 45, 51, 60, 71, 92, 27 мартда эса 26, 48, 55, 65, 80 ҳамда 110 кг вазн тоифасида ғолиб ва совриндорлар номи маълум бўлади.