Юрген Клопп ўз келажаги ҳақида баёнот берди

"Мен футбол жамоасини бошқара олишимни яхши тушунаман, аммо бу бутун умрим давомида албатта мураббий бўлиб ишлашим керак, дегани эмас. Мен ўзимни бошқа йўналишларда ҳам синаб кўришни истадим.

"Red Bull" компанияси менга мос келадиган ролни таклиф қилди. Биз бу вазифани босқичма-босқич, биргаликда шакллантирдик. Ҳозир мен ўзимни тўлиқ комфортда ҳис қиляпман — қаерда бўлсам, шу жой менга маъқул. Бошқа жойда бўлиш истаги йўқ. Илгари билмаган жуда кўп инсонлар билан танишдим, кўплаб ишбилармонлик учрашувларида иштирок этдим, ҳатто аввал учрамаган сўзларни ҳам ўргандим.

Бу ростдан ҳам, жуда яхши давр бўлди. Бир йил ичида беш йилга тенг тажриба орттирдим", — дея Клоппнинг сўзларини The Athletic нашри келтиради.

Айни пайтда Юрген Клопп "Red Bull" тузилмасида футбол йўналиши бўйича глобал раҳбар лавозимида фаолият олиб бормоқда.