UZ

Сўнгги янгиликлар

12 апр 11:25
Янгиликлар

От Спорти

Юртимизда от спорти бўйича халқаро болалар кубоги ўтказилади

Жорий йил 17-21 апрель кунлари юртимизда от спорти бўйича “FEI Jumping Children`s Classic Final-2018” халқаро болалар кубогининг финал босқичи бўлиб ўтади, деб хабар беради Жисмоний тарбия ва спорт вазирлиги матбуот хизмати.

Мусобақа от спорти бўйича 15 ёшгача бўлган чавандозлар ўртасида ўтказиладиган энг нуфузли турнирлардан бири ҳисобланиб, бундай савиядаги мусобақа юртимизда илк маротаба ўтказилмоқда.

Тошкент вилояти Бўстонлиқ туманида жойлашган “Аллюр” от спорт клуби базасида ўтказиладиган мусобақага Германия, Бразилия, Ирландия, Аргентина, Мексика, Янги Зеландия, Жанубий Африка каби дунёнинг 12 давлатидан ҳакамлар, ёш спортчилар ва меҳмонлар, жами 80 нафарга яқин хорижликлар ташриф буюради.

Ҳакамлар ҳайъатига франциялик таниқли мутахассис Патрис Альвадо раҳбарлик қилади.

Мусобақа қоидаларига кўра мезбон давлатдан 4 нафар ва ҳар бир мамлакатдан олтин тур натижаларига кўра кучли ўнталикка кира олган спортчилардан икки нафарининг қатнашишига рухсат этилади. Шундай қилиб, ғолиблик учун 12-14 ёшдаги 20 нафар ёш чавандоз баҳс олиб боради.

Рейтинг:    

Ўхшаш янгиликлар

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг