"Ювентус" юлдуз футболчининг трансфери бўйича музокараларни тўхтатди

Трансфер суммаси ва унинг туринликлар таркибини кучайтириш-кучайтирмаслик масаласи бўйича хавотирлар кучайгани сабабли музокаралар вақтинча тўхтатилди.

Фабрицио Романонинг сўзларига кўра, жараён сезиларли даражада секинлашган ва ҳар икки томон деярли "совуқ давр"га кирган. Шунга қарамай, Кьезанинг эҳтимолий қайтиши учун эшик ёпилмаган ва "Ювентус" трансфер бозорини диққат билан кузатишда давом этмоқда.

Асосий тўсиқ молиявий масалалар бўлиб қолмоқда. "Ливерпуль" жиддий кафолатларни талаб қилмоқда — доимий трансфер ёки мажбурий сотиб олиш шарти билан ижара. Қолаверса, Кьезанинг маоши аллақачон Кенан Йилдызга сармоя киритган клуб учун катта харажатга айланади.