Зангиотада курсантлар ўртасида мусобақа ўтказилди

Ўзбекистон Республикаси Вазирлар Маҳкамаси томонидан 2019 йил 28 декабрда ўтказилган видеоселектор йиғилишида берилган топшириқлар ижросини таъминлаш ҳамда Ўзбекистон Республикаси Жисмоний тарбия ва спорт вазирининг ёш спортчилар ўртасида ватанпарварлик туйғусини янада юксалтириш мақсадида ёш спортчилар ва ҳарбийлар ўртасида учрашувлар ташкил этиш тўғрисидаги буйруғига асосан ўтказилган мазкур мусобақа иштирокчиларда катта таассурот қолдирди. 

Тошкент вилояти жисмоний тарбия ва спорт бошқармаси, туман жисмоний тарбия ва спорт бўлими ҳамда Зангиота туман болалар-ўсмирлар спорт мактаби ташаббуси билан ташкил этилган мусобақада ҳарбий билим юртида таҳсил олаётган курсантлар стартга чиқди. Ушбу беллашувларда иштирокчилар 25, 50 ва 100 метр масофага эркин усулда сузиш бўйича ўз омадларини синовдан ўтказишди. 

Муросасиз ва кўтаринки руҳда ўтган мусобақа якунида ғолиблар ташкилотчилар томонидан диплом ва эсдалик совғалари билан тақдирланишди.

Илҳом РАҲМОНОВ тайёрлади