Зинедин Зидан Дидье Дешам кетганидан кейин Франция терма жамоасини бошқаради — Романо

Бу ҳақда журналист Фабрицио Романо хабар бермоқда.

Францияликлар турнирдаги иштирокини аввалроқ жаҳон чемпионатидан сўнг лавозимини тарк этишини эълон қилган Дидье Дешам қўл остида якунлаб қўйишади. ЖЧ-2026 ярим финалида Франция терма жамоаси Испанияга 0:2 ҳисобида имкониятни бой берди. Учинчи ўрин учун кечадиган баҳсда "учранглилар" Аргентина ва Англия терма жамоалари ўртасидаги иккинчи ярим финал мағлуби билан куч синашишади. Ушбу учрашув 19 июль куни Тошкент вақти билан соат 23:59 да бошланади.

Эслатиб ўтамиз, Дешам миллий терма жамоани 2012 йилдан буён бошқариб келаётган эди ва у 2018 йилги жаҳон чемпионатида жамоани чемпионликка бошлаб борган.

Зидан бунгача клуб футболида юқори даражада муваффақиятли фаолият юритган. У "Реал Мадрид" бошқарувида (2016–2018 ва 2019–2021 йилларда) уч бор Чемпионлар Лигасида ғолиб чиққан, икки марта Испания чемпионлигини қўлга киритган ва бошқа бир қатор халқаро совринларга эга чиққан.