05 фев 08:50
Янгиликлар
Стол тенниси
Зоҳид Кенжаев Испанияга йўл олди
Стол тенниси бўйича терма жамоамиз етакчиси Зоҳид Кенжаев 4-8 февраль кунлари бўлиб ўтадиган халқаро мусобақада иштирок этиш учун Испаниянинг Гранада шаҳрига етиб борди.
Стол теннисчимиз Токио олимпиадаси учун рейтинг очколар тақдим этадиган «Spanish Open» мусобақасида ватанимиз шарафини ҳимоя қилади. Гранададаги турнирда 240 нафар стол теннис усталари бош соврин учун баҳс олиб боришади. Ҳамюртимиз илк учрашувини 6 февраль куни ўтказади.
Маълумот учун, стол теннисчимизнинг рейтингдаги ўрни юқори бўлганлиги сабабли, у дастлабки ўтиш босқичларида иштирок этмайди ва тўғридан- тўғри мусобаларни 1/32 финал босқичидан бошлайди.
Эслатиб ўтамиз, Зоҳид Кенжаев 28 январь — 2 февраль куни бўлиб ўтган «German Open» мусобақасида иштирок этиб, Японияда бўлиб ўтадиган олимпия ўйинлари учун рейтинг очколарини ишлашга муваффақ бўлганди.
Ўзбекистон стол тенниси федерацияси матбуот хизмати
Ҳавола :
Фикрлар