Зверев Hamburg Open чемпионлик ҳимоясини бошлади

Дунёнинг тўртинчи ракеткаси Александр Зверев илк даврада енгил ғалабани қўлга киритди. Германиялик теннисчи мусобақанинг амалдаги чемпиони ҳисобланади. У 2 соату 19 дақиқа давом этган баҳсда ATP рейтингида 114-поғонада бораётган нидерландиялик Йеспер Де Йонгга ҳеч қандай имконият қолдирмади - 6/2, 6/2.

Бу теннисчиларнинг ўзаро ўтказган илк учрашуви эди. Зверев баҳс давомида 4, Де Йонг эса 1 та эйс зарбасини амалга оширган. Иккала теннисчи ҳам 1 тадан қўшхатога йўл қўйган. Брейклар бўйича мутлақ устунлик олмон теннисчиси томонда бўлди - 4 га 0. Энди Зверев Hamburg Open 1/8 финалида франциялик Уго Гастонга қарши кортга чиқади.