Зверев ўз ватанида фаолиятидаги 20-совринни қўлга киритди

Мукофот жамғармаси 1,981,470 еврони ташкил этган турнир мезбонлар вакили Александр Зверевнинг ғалабаси билан ниҳоясига етди. Дунёнинг 19-ракеткаси бўлиб турган германиялик ҳал қилувчи финал учрашувида ATP рейтингининг 57-поғонасидан жой олган сербиялик Ласло Джерени мағлубиятга учратди - 7/5, 6/3.

Теннисчиларнинг ўзаро учрашувларидаги ҳисоб йириклашди - 3:0. Бир соату 50 дақиқа давом этган баҳсда иккала теннисчи ҳам 3 тадан эйс зарбасини амалга оширди. Брейклар 3 га 1 кўринишда Зверев фойдасига бўлди. 

Гамбург турниридаги бир ҳафталик меҳнат Зверевга 500 рейтинг очкоси ва 342,500 евро мукофот пули келтирди. Бу олмон теннисчиси учун фаолиятидаги 20-соврин бўлди.