Зверев Париж "Мастерс" чемпиони!

Дунёнинг учинчи ракеткаси Александр Зверев ҳал қилувчи финал учрашувида ATP рейтингида 18-ўринни эгаллаб турган франциялик Уго Умберни ортиқча қийинчиликсиз мағлубиятга учратди - 6/2, 6/2. Зверев теннисчиларнинг ўзаро учрашувларида ҳам ҳисобда олдинга чиқиб олди - 2:1. 

Етмиш олти дақиқа давом этган баҳсда Зверев 4, Умбер 3 та эйс зарбасини амалга оширган. Брейклар бўйича устунлик табиийки, ғолиб теннисчи томонида бўлди - 4 га 0. Александр фаолиятидаги еттинчи "Мастерс" чемпионлигини қўлга киритди. 

У бугун эълон қилинган янги рейтинга дунёнинг иккинчи ракеткасига айланди. Зверев бир ҳафталик меҳнатидан 1000 очко ва 919,075 евро мукофот пулини ҳам қўлга киритди. Вице-чемпион Умбер 650 очко ва 501,880 еврога эга бўлди. У янгиланган рейтингда Топ-15`га қайтди.