08 июн 12:26
Янгиликлар

Теннис

Зверев - "Ролан Гаррос" турнирининг иккинчи финалчиси!

Теннис бўйича Франция Очиқ чемпионтининг эркаклар ўртасидаги мусобақасида финалчилар аниқланди.

Дунёнинг тўртинчи ракеткаси Александр Зверев "Катта Дубулға" туркумига кирувчи "Ролан Гаррос" турнирининг финалчисига айланди. Германиялик теннисчи 1/2 финалда ATP рейтингида 7-ўринни эгаллаб турган норвегиялик Каспер Руудни тўрт сет натижасига кўра мағлубиятга учратди - 2/6, 6/2, 6/4, 6/2.

Бу билан олмон теннисчиси 2020 йилдан кейин илк "Катта Дубулға" турнирларининг финалида ўйнайдиган бўлди. Зверев Руудга қарши ўзаро бешинчи учрашувга келиб ҳисобда олдинга чиқиб олди - 3:2.

Икки соату 38 дақиқа давом этган баҳсда Александр 19 та эйс зарбасини амалга оширигна муваффақ бўлди. Руудда бу кўрсаткични 4 тани ташкил қилди. Энди Зверев "Ролан Гаррос" бош соврини учун испаниялик Карлос Алькаразга қарши кортга чиқади.