Abdumalik Xalakov g'alabadan so'ng nimalar dedi?

"Birinchi navbatda ota-onam va murabbiyimga minnatdorchilik bildiraman. Ular qiyin vaqtda meni qo'llab turishda va ularning ko'magi bilan doim olg'a borishda davom etdim. Ketma-ket ikkinchi marta O'zbekiston chempioni bo'lganimdan xursandman. 

Raqiblarim ancha kuchli va tajribali edi. Finaldagi raqib esa “Uzbek Tigers” safida ringga ko'tarilgan, shuningdek, bir nechta xalqaro musobaqalarda g'alaba qozongan edi. SHunday jiddiy raqibimni mag'lub etib, chempion bo'lganimdan xursandman . Barcha janglar esda qolarli bo'ldi. Har bir jangda mag'lub bo'lishim mumkin edi. Bu yilgi chempionlikni qadri boshqacha bo'ldi desam bo'ladi, bu yilgi turnirda juda kuchli bokschilar ringga ko'tarildi.

 O'zbekiston chempionati jahon chempionati kabi bo'ladi. CHempion bo'lgan bokschi xalqaro musobaqalarda ancha kuchli jang qila oladi. Endi biroz oila azolarim bilan birga bo'laman. Uzoq vaqt davomida uydan uzoqda bo'ldim. Karantin vaqtida bizga sharoit yaratib bergan O'zbekiston boks federaciyasiga minnatdorchilik bildiraman",- dedi Xalakov