Jahon chempionatidagi ishtirokini tasdiqlagan davlatlar soni 72 taga etdi

Sakkiz kun davomida dunyoning eng nomdor dzyudochilari jami 14 ta (erkaklar 7 ta, ayollar 7 ta) vazn toifasida jahon chempionati medallari hamda Parij-2024 Olimpidasining muhim reyting ochkolari uchun tatamiga chiqadilar. 

Ayni shu soniyalarga kelib, jahon chempionatida ishtirok etish istagini bildirgan va buni rasman tasdiqlagan davlatlar soni 72 taga etdi. Xalqaro dzyudo federaciyasi rasmiy saytida Toshkentga kelishi qayd etilgan dzyudochilar soni esa 428 (222 erkak, 206 ayol) nafarni tashkil etyapti. 

Braziliya, Franciya, Gruziya, Germaniya, Vengriya, Italiya, Mo'g'uliston, Niderlandiya, Janubiy Koreya, Ispaniya, Ukraina singari dunyoning dzyudo terma jamoasi kuchli hisoblangan davlatlari ilk bor O'zbekistonda o'tkaziladigan jahon chempionatida qatnashadigan tarkiblarini elon qilib ulgurishgan.