POSTER. Jasur Mirzamuhammedovning Omar Konega qarshi jangiga to'rt kun qoldi

O'zbekistonlik MMA ustasi, 36 yoshli og'ir vaznli Jasur Mirzamuhammedov (4-0) 3 dekabr kuni ONE FC promoushenidagi ikkinchi jangini o'tkazadi.

"Ikkinchi jangimga to'rt kun qoldi. Duo qilib qo'yinglar. In sha Alloh g'alaba bilan qaytamiz!", - deb yozgan Mirzamuhammedov Instagramdagi sahifasida.

ONE 164 kechasida hamyurtimizga senegallik Omar Kane (4-1) raqiblik qiladi. Kane so'nggi jangini ONE 161 musobaqasida rossiyalik Batradz Gazzaevga qarshi o'tkazib, g'alaba qozongan. Mirzamuhammedov esa ONE 158 musobaqasida avstraliyalik Dyuk Dide ustidan ochkolar evaziga g'alaba qozongan edi.