05 iyu 09:51
Yangiliklar

Tennis

Rafael Nadal "Uimbldon"da 1/4 finalga chiqdi

London shahrida tennis bo'yicha "Katta Dubulg'a" turkumiga kiruvchi "Uimbldon" turniri davom etmoqda.

Dunyoning to'rtinchi raketkasi Rafael Nadal musobaqaga bosh davogar sifatida qolmoqda. Ispaniyalik tennis yulduzi nimchorak final uchrashuvida ATP reytingida 25-pog'onadan joy olgan niderlandiyalik Botik van de Zandshulpni 6/4, 6/2, 7/6(6) hisobida mag'lub etdi.

Ikki soatu 24 daqiqa davom etgan bahsda Nadal 9, Zandshulp 11 ta eys zarbasini amalga oshirdi. Tennischilarning o'zaro uchrashuvlaridagi hisob 2:0 ko'rinishiga keldi. Endi Nadal The Championships turnirining chorak finalida amerikalik Teylor Fritcga qarshi kortga chiqadi.