29 may 08:26
Yangiliklar

Tennis

Sobolenko "Rolan Garros"dagi yurishini boshladi

Sayyoramizning ikkinchi raketkasi Arina Sobolenko "Katta Dubulg'a" turkumiga kiruvchi "Rolan Garros" turniridagi ishtirokini boshladi.

Belaruslik tennis malikasi French Open turnirining ilk davrasida WTA reytingida 39-o'rinni egallab turgan ukrainalik Marta Kostyukni ortiqcha qiyinchiliksiz mag'lubiyatga uchratdi - 6/3, 6/2.

Arina o'zaro ikkinchi uchrashuvda ham Martadan ustun keldi. Etmish bir daqiqa davom etgan bahsda Sobolenko 1 ta eys zarbani amalga oshirib, 3 ta qo'shxato yo'l qo'ydi va 4 ta breyk qayd etdi.