Yarim final. Bugun "Humo" "Beybaris"ga qarshi ilk safar o'yinini o'tkazadi

Avval xabar berganimizdek, "Humo" jamoasi 12 mart kuni Qozog'iston Ochiq chempionati pley-offining yarim final bosqichi doirasida "Beybaris"ga qarshi ikkinchi o'yinda muzga chiqib, 3:1 hisobida g'olib bo'lgan edi. Ushbu g'alaba orqali jamoamiz seriyadagi hisobni 1:1 ga etkazgan edi.

Bugun jamoamiz "Beybaris"ga qarshi birinchi safar o'yinini o'tkazadi. Mazkur uchrashuv soat 19:00 da, Atirau shahrida joylashgan "Xiuaz Dospanov" arenasida boshlanadi.

Kecha shuningdek, yarim finaldan o'rin olgan boshqa bir uchrashuv "Nomad" - "Sariarka" uchinchi o'yini o'tkazilib, 7:2 hisobida "Nomad" g'alaba qozongan edi. Mazkur jamoalar o'rtasidagi o'yinlar seriyasida hisob hozircha 2:1.

"Humo"ning bugungi uchrashuvi YouTube platformasidagi InSportTV kanali orqali translyaciya qilinadi.