05 iyu 11:01
Yangiliklar
16 iyun kuni Toshkentda prof boks kechasi o'tkaziladi, markaziy jang kamar uchun kechadi
16 iyun kuni o'tkaziladigan boks kechasida muxlislar jami 8 ta jangga guvoh bo'lishadi. Oqshomning markaziy jangi 20 yoshli bokschimiz Ravshanbek Mahammadjonov ishtirokida bo'lib o'tadi. Mag'lubiyat nimaligini bilmay kelayotgan Ravshanbek ugandalik Juma Vasvaga qarshi ringga ko'tariladi.
O'n raundga mo'ljallangan ushbu jang vakant bo'lib turgan chempionlik kamari uchun kechadi. Hozircha aynan qaysi yo'nalish kamari uchun kechishi malum emas. Vasva bilan yana bir hamyurtimiz SHoxjahon Ergashev ham jang o'tkazgan. Ergashev o'z chempionlik kamarini Vasvadan himoya qilgan va raqibini uchinchi raundda nokautga uchratgan edi.
Bo'lajak boks kechasida hamyurtlarimizdan Olim Nazarov tanzaniyalik Frank Kivalabega qarshi jang olib borsa, WBA Asia kamari sohibi Husniddin Po'latov gruziyalik Badri Gogichashviliga qarshi ringga chiqadi. Yosh iqtidorli bokschimiz Ravshanbek SHermatov esa yana bir gruziyalik charm qo'lqop ustasi Jaba Memishishiga qarshi jang o'tkazadi.
Fikrlar