17 yoshli Linda faoliyatidagi ilk WTA sovrinini qo'lga kiritdi

WTA reytingida 130-pog'onadan joy olgan Linda hal qiluvchi final uchrashuvida dunyoning 67-raketkasi, polshalik Magda Linettdan 4/6, 6/3, 6/4 hisobida ustun keldi. 

CHexiyalik tennischi 2 soatu 41 daqiqa davom etgan bahsda 1 ta eys, 3 ta qo'shxato va 3 ta breyk qayd etdi. Ushbu g'alabasi evaziga u o'zaro uchrashuvlardagi hisob muvozanatini tikladi. 

Hindiston turniridagi muvaffaqiyatli ishtirok Fruxvirtovaga 280 reyting ochkosi hamda 33,200 dollar mukofot puli keltirdi. Bu 17 yoshli tennischining faoliyatidagi ilk WTA sovrini bo'ldi. Bugun elon qilingan reytingda chexiyalik 74-pog'onaga ko'tarilib oldi.