27 yoshli Kontaveyt "Uimbldon"dan so'ng faoliyatini yakunlaydi

U 6 ta WTA turniri chempioni hisoblanadi. 2022 yilda Anett WTA reytingida ikkinchi o'ringacha ko'tarildi. Joriy mavsum avvalida estoniyalik bel qismidagi muammolar tufayli ikki oyni o'tkazib yubordi.

“Bugun men professional sportchi sifatida faoliyatimni yakunlayotganimni elon qilaman. SHifokor qabuliga bir necha bor borganim va tibbiy jamoam bilan o'tkazilgan maslahatlashuvdan so'ng, menda umurtqa disklarida degenerativ o'zgarishlar borligini bildim.

Bu menga to'liq mashq qilish yoki raqobatni davom ettirish uchun imkon bermaydi. SHunday ekan, bunday kuchli raqobatli Turda yuqori darajada chiqishni davom ettirishning imkoni yo'q.

Tennis menga ko'p narsa berdi va ko'p narsani o'rgatdi, buning uchun juda ham minnatdorman. Men uchun Estoniya bayrog'ini tennis kortlariga olib chiqish va butun dunyo bo'ylab muxlislarim qarshisida o'ynash muhim edi.

Men "Uimbldon"dagi so'nggi chiqishimdan so'ng yangi sinovlarga tayyorman, u erda o'yindan zavqlanaman va bor kuchim bilan raqobatlashaman.", - dedi Kontaveyt.