Abduraimova Bratislava turniri final chiptasi uchun o'ynaydi

Sovrin jamg'armasi 60 ming dollarni tashkil etuvchi ushbu turnirda hamyurtimiz Nigina Abduraimova ham muvaffaqiyatli ishtirok etyapti. Mamlakatimizning birinchi raketkasi bugun yarim final uchrashuvida chexiyalik Barbora Palicovaga qarshi  kortga chiqadi. 

Taqqoslash uchun, Nigina WTA reytiingida 192, 18 yoshli Barbora esa 220-o'rinni egallab turibdi. Turnirda sakkizinchi raqam ostida saralangan Abduraimova yarim finalga qadar ukrainalik Katerina Volodkoni 7/6(5), 6/3, slovakiyalik Rebekka SHramkovani 6/2, 6/4, vengriyalik Amarissa Kiara Tottni 6/4, 6/7(6), 6/3 hisobida mag'lubiyatga uchratgan edi.