ABN AMRO Open. Yannik Sinner Rotterdamni zabt etdi

Italiyalik tennischi hal qiluvchi final uchrashuvida ATP reytingida 11-o'rinni egallab kelgan avstraliyalik Aleks De Minaurni 7/5, 6/4 hisobida mag'lubiyatga uchratdi. Dunyoning to'rtinchi raketkasi bo'lib kelgan Yannik bugun elon qilinadigan yangilangan reytingda Top-3`da debyut qiladi. 

Tennischilarning o'zaro uchrashuvlarida mutlaq ustunlik Sinner tomonida - 7:0. Ikki soatu 10 daqiqa davom etgan bahsda Yannik 4, De Minaur 10 ta eys zarbasini amalga oshirgan. Sinnerning g'alabali seriyasi 15 ta uchrashuvga etdi. Bu uning mavsumdagi ikkinchi, faoliyatidagi 12-sovrin bo'ldi. 

Rotterdamdagi turniridagi bir haftalik mehnat unga 500 reyting ochkosi hamda 399,215 evro mukofot puli keltirdi.