“Afrosiyob Arena”da engil atletika bo'yicha Markaziy Osiyo IV Ochiq chempionati o'tkazilmoqda

Mazkur musobaqada hamyurtlarimizdan tashqari Qirg'iziston, Qozog'iston, Turkmaniston, Tojikiston, shuningdek, taklif bo'yicha Tailand va Malayziya kabi davlatlardan 200 nafarga yaqin sportchi qatnashmoqda.

Xalqaro turnirga “Afrosiyob Arena” sport majmuasi mezbonlik qilyapti. Mazkur sport majmuasi 15 ming tomoshabinni o'z bag'riga sig'dira oladi.

2022 yilda O'zbekiston Respublikasi Prezidenti SHavkat Mirziyoevning tashabbuslariga binoan qurilishi boshlangan sport majmuasida World Athletics Butunjahon engil atletika federaciyalari associaciyasi talablariga muvofiq holda keng ko'lamdagi rekonstrukciya ishlari amalga oshirildi.

Stadion so'nggi rusumdagi sport uskunalari, zamonaviy yugurish qoplamasi, drenaj tizimi, yoritish va ovoz tizimlari bilan jihozlangan. Bugungi kunda “Afrosiyob Arena” sport majmuasi – O'zbekistondagi xalqaro sport musobaqalarini qabul qilishga munosib bo'lgan dastlabki sertifikatlangan stadion hisoblanadi. Takidlash kerak, “Afrosiyob Arena” sport majmuasi Markaziy Osiyo IV Ochiq chempionati arafasida qurib bitkazildi va foydalanishga topshirildi.

Ochiq chempionatda engil atletikachilar asosan yugurish hamda texnik turlarda ishtirok etishmoqda. Bularga balandlikka sakrash, tayanib sakrash, uzunlikka sakrash, uch hatlab sakrash, disk, bolg'a, nayza uloqtirish singari yo'nalishlar kiradi.

Engil atletika bo'yicha O'zbekiston terma jamoasi deyarli barcha turlarda qatnashmoqda. Musobaqada V Islom birdamligi o'yinlari g'olib va sovrindorlari SHarifa Davronova, Anvar Anvarov, Suhrob Xo'jaev, Farida Solieva, Nargiza Qo'chqorova, Roksana Xudoyarova kabi mahoratli sportchilar kuch sinashishmoqda.