Amaldagi US Open g'olibasi ilk davrada kortga chiqdi

Biroz kutilmaganda ayollar o'rtasidagi musobaqaning amaldagi g'olibasi, britaniyalik Emma Radukanu ilk davradayoq mag'lubiyat alamini totib ko'rdi. Dunyoning 11-raqamli tennis malikasi roppa-rosa 100 daqiqa davom etgan uchrashuvda WTA reytingida 40-pog'onadan joy olgan franciyalik Alize Kornega 3/6, 3/6 hisobida imkoniyatni boy berib qo'ydi. 

Bu tennischilarning o'zaro o'tkazgan ilk uchrashuvi edi. Emma bahs davomida 2 ta eys, 2 ta qo'shxato hamda 4 ta breykni amalga oshirdi. Alize esa 1 ta eys, 9 ta qo'shxato hamda 7 ta breky qayd etdi. Endi Korne US Open turnirining ikkinchi davrasida  Katerjina Sinyakovaga qarshi kortga chiqadi. CHexiyalik tennischi ilk bosqichda amerikalik Teylor Taunsenddan ustun keldi - 6/4, 4/6, 6/2.