Ana xolos! Tarixda ilk bor jahon chempionati yo'llanmasini qo'lga kiritgan voleybolchilarimiz ushbu musobaqaga borishmadi

O'n ikkita jamoa qatnashgan qita birinchiligi yakunida O'zbekiston o'smirlar terma jamoasi finaga qadar etib borib, Osiyo vice-chempionligi bilan bir qatorda yurtimiz voleyboli tarixida ilk bor jahon chempionati yo'llanmasini ham qo'lga kiritgandi. Osiyodan chempion Eron, vice-chempion O'zbekiston hamda bronza medali sovrindori sifatida Xitoy Taypeyi terma jamoalari jahon chempionati chiptasiga ega chiqqandi. 

24-31 avgust kunlari U17 yosh toifasidagi ana shu jahon chempionati Bolgariya poytaxti Sofiya shahrida tashkil etildi. Besh qitaning saralangan 16 terma jamoasi qatnashishi kerak bo'lgan musobaqa Osiyoning amalda ikkinchi jamoasi bo'lib turgan O'zbekistonsiz o'tdi. 

Ha, afsuski, aynan shunday bo'ldi. O'zbekiston qura natijasiga ko'ra D guruhida Braziliya, Belgiya va CHili terma jamoalariga qarshi bahs olib borishi kerak edi. Reglamentga ko'ra o'smirlarimiz ishtirokidagi har bir o'yinga 0:3 (0-25, 0-25, 0-25) hisobidagi texnik mag'lubiyat yozildi. 

Etiborga molik jihati shundaki, Osiyo chempionatida bronza medalini qo'lga kiritgan Xitoy Taypeyi terma jamoasi jahon chempionatida ham bronza medallariga ega chiqdi. Bizni finalda mag'lub etgan Eron esa mundialni kuchli beshlikda yakunladi. Aytmoqchi bo'lganimiz, bu jamoaning potenciali bor edi.  

Yana ham alamlisi, bu yosh toifasidagi o'smirlarimiz kelasi yili Toshkent shahri mezbonligida o'tadigan yoshlar o'rtasidagi Osiyo o'yinlarida qatnashadigan yosh tarkibi hisoblanadi. SHu paytgacha hech bir yosh toifasidagi voleybol jamoamiz qita birinchiligining finali hamda jahon chempionatiga yo'l olmagan edi. 

Etibor bering, ikki oycha oldin, aniqrog'i 19 iyul kuni "Voleybol sport turini yanada rivojlantirish chora-tadbirlari to'g'risida"gi Prezident Qarori (PQ-274-son, 19.07.2024 y.) qabul qilingandi.

Bizga etib kelgan malumotlarga qaraganda, Bolgariya elchixonasi tomonidan terma jamoamiz delegaciyasiga vizalar berilmagan emish. Musobaqa mezboni AQSH bo'lganida viza masalasini tushunish mumkin edi. Har qanday katta musobaqalar, xususan jahon chempionatlarida mezbon tomonidan ishtirokchi davlatlar uchun viza ko'magi taqdim etiladi. Xullas, fakt shuki, tarixda ilk bor erishganimiz - jahon chempionati O'zbekistonsiz o'tdi.