Andijon OZKga qabul imtihonlari bo'lib o'tmoqda

Jumladan, Andijon Olimpiya zaxiralari kollejida ham 2020/2021 o'quv yili uchun kasbiy (ijodiy) imtihonlar bo'lib o'tmoqda. Takidlash joiz, ushbu sport talim muassasasida imtihonlar adolatli, xolis va shaffof o'tishni taminlashga jiddiy etibor qaratilmoqda.

Imtihon jarayonlari bo'lib o'tayotgan har bir sport inshooti dizenfikciya qilingan. SHuningdek, kollejga kirish oldidan barcha o'quvchilar dizenfekcion yo'lakchadan o'tib, shifokor va hamshiralar tomonidan harorati o'lchanmoqda. So'ngra sog'ligi joyida bo'lgan o'quvchi yoshlarga imtihonlarda qatnashishga ruxsat berilmoqda.

Takidlash kerak, joriy yil Andijon Olimpiya zaxiralari kollejiga 325 nafar o'quvchi hujjat topshirgan bo'lib, ulardan 120 nafari kollejga o'qishga qabul qilinadi.