19 iyu 14:40
Yangiliklar

Boks/MMA

Andre Uord: "Faqat bitta holatda Kovalyov bilan uchinchi jang bo'ladi"

Amerikalik bokschi Andre Uord rossiyalik Sergey Kovalyovga qarshi uchinchi jangni o'tkazishdan foyda yo'qligini malum qildi.

Professional boksning IBF, WBA hamda WBO yo'nalishlari chempioni bo'lgan Uord shanba kuni revansh jangida ikkinchi bor Kovalyovni mag'lubiyatga uchratgan edi.

"Hech qanday uchinchi jang o'tkazilmaydi. Etarli. Faqat bitta holatda Kovalyovga qarshi uchinchi jangda ringga chiqishim mumkin. Buning uchun Sergey WBC chempioni Adonis Stivensonni mag'lub etishi kerak. SHundagina men u bilan uchrashaman va menga etmay turgan kamarni tortib olaman", - dedi Uord Boxing Scene saytiga bergan intervyusida.