Andrey Rublyov Stokgolmda 1/4 finalga chiqdi

Dunyoning ettinchi raketkasi Andrey Rublyov ikkinchi davrada ATP reytingining 70-pog'onasida borayotgan franciyalik Aleksandr Myullerni ortiqcha qiyinchiliksiz mag'lubiyatga uchratdi - 6/4, 6/1. Rossiyalik raketka ustasi bu bilan o'zaro uchrashuvlardagi hisob muvozanatini ham tiklab qo'ydi - 1:1. 

Etmish besh daqiqa davom etgan bahsda Rublyov 6, Myuller 1 ta eys zarbasini amalga oshirgan. Ikkala tennischi ham qo'shxatoga yo'l qo'ymadi. Breyklar bo'yicha mutlaq ustunlik Andrey tomonida bo'ldi - 4 ga 0! Endi u yarim final chiptasi uchun shveycariyalik Sten Vavrinkaga qarshi kortga chiqadi.