AQSHning medallari 116taga etdi, terma jamoamiz esa 32-o'rinda!

Amerikaliklar bugun tong saharda o'zlarining Riodagi 116-medallarini qo'lga kiritishdi. O'zbekiston terma jamoasi esa 2ta oltin, 2ta kumush va 5ta bronza, jami 9ta medal bilan 32-pog'onani egallab turibdi. Kecha terma jamoamizga yagona medalni bokschimiz Bektemir Meliqo'ziev taqdim etdi. Bektemir kumush medalga sazovor bo'ldi.

Kechagi kun musobaqalaridan so'ng AQSH terma jamoasining umumiy medallari soni 116taga etdi. SHulardan 43tasi oltin, 37tasi kumush, 36tasi bronza medallaridir. Ikkinchi o'rinni Buyuk Britaniya terma jamoasi band etgan. Ularning umumiy medallar soni 66tani tashkil qilmoqda. Oltin medallar soni 27ta, kumush 22ta, bronza esa 17taga etdi.

Xitoy terma jamoasi uchinchi o'rindan joy olgan. CHin yurti jamoasi 26ta oltin, 18ta kumush, 26ta bronza medalini qo'lga kiritgan. SHu kungacha 59ta davlat terma jamoalari kamida bir nafar Olimpiada chempioniga ega bo'lib ulgurgan. Etmish uchta terma jamoa hisobida esa kamida bittadan kumush medal bor. Sakson sakkizta mamlakat terma jamoasi esa kamida bittadan bronza medaliga ega bo'lib turibdi.

MEDALLAR JAMG'ARISH. TOP-10

1. AQSH – 116 (43-37-36)

2. Buyuk Britaniya – 66 (27-22-17)

3. Xitoy – 70 (26-18-26)

4. Rossiya – 53 (17-17-19)

5. Germaniya – 41 (17-10-14)

6. Yaponiya – 41 (12-8-21)

7. Franciya – 40 (9-17-14)

8. Janubiy Koreya – 21 (9-3-9)

9. Avstraliya – 29 (8-11-10)

10. Italiya – 26 (8-11-7)