AQSHning medallari soni 60taga etdi, terma jamoamiz 57-o'rinda!

Dzyudochilarimiz Diyorbek O'rozboev va Rishod Sobirov, bokschimiz Rustam To'laganov terma jamoamizga ana shu 3ta bronza medalini taqdim etishgan. O'zbekiston sport delegaciyasi 3ta bronza medali hisobiga umumjamoa hisobida 207 ishtirokchi davlat orasida 57-o'rinni egallab turibdi. Bir kun avval biz 58-pog'onadan joy olgandik.

Olimpiadaning sakkizinchi kungi bahslaridan so'ng AQSH terma jamoasi roppa-rosa 60ta medalni qo'lga kiritib ulgurdi. SHulardan 24tasi oltin, 18tasi kumush, 18tasi bronza medallaridir. Ikkinchi o'rindagi Xitoy terma jamoasida 13ta oltin medal bor. Kumush medallar 11tani, bronza esa 17tani tashkil qilmoqda. O'nta oltin, 13ta kumush, 7ta bronza medaliga ega Buyuk Britaniya terma jamoasi uchinchi o'rinni egallab turibdi.

SHu kungacha 43ta davlat terma jamoalari kamida bir nafar Olimpiada chempioniga ega bo'lib ulgurgan. Ellik oltita terma jamoa hisobida esa kamida bittadan kumush medal bor. Oltmish beshta mamlakat terma jamoasi esa kamida bittadan bronza medaliga ega bo'lib turibdi.

MEDALLAR JAMG'ARISH. TOP-10

1. AQSH – 61 (24-18-19)

2. Xitoy – 41 (13-11-17)

3. Buyuk Britaniya – 30 (10-13-7)

4. Germaniya – 16 (8-5-3)

5. Yaponiya – 24 (7-3-14)

6. Rossiya – 23 (6-9-8)

7. Avstraliya – 22 (6-7-9)

8. Italiya – 18 (6-7-5)

9. Janubiy Koreya – 13 (6-3-4)

10. Franciya – 18 (5-8-5)