Argentina Open. Dias bosh sovrinni o'z Vatanida olib qoldi

Hal qiluvchi final uchrashuvida ATP reytingida 87-pog'onada borgan argentinalik Fakundo Dias dunyoning 21-raketkasi, chililik Nikolas Xarrini mag'lubiyatga uchratdi - 6/3, 6/4. Dias faoliyatida ilk sovrinni aynan vatanida qo'lga kiritdi va birinchi marotaba o'zaro uchrashuvlarda Xarrini taslim etdi - 1:3. 

Bir soatu 46 daqiqa davom etgan bahsda Dias 2, Xarri 1 ta eys zarbasini amalga oshirdi. Fakundo IEB+ Argentina Open turniridagi ishtirokidan 250 reyting ochkosi hamda 97,745 AQSH dollari miqdoridagi mukofot puli ishlab oldi.