ATP reytingi. 19 yoshli Rune Top-10`da debyut qildi, Fomin 6, Do'stov 213 pog'onaga ko'tarildi

Reytingda hamon ispaniyalik Karlos Alkaraz peshqadam bo'lib turibdi. Uning vatandoshi Rafael Nadal ikkinchi o'rinni saqlab qoldi. Greciyalik Stefanos Cicipas 3-o'ringa ko'tarilib oldi. Rossiyaliklar Daniil Medvedev, Andrey Rublyov, kanadalik Feliks Oje, norvegiyalik Kasper Ruud, serbiyalik Novak Jokovich o'z egallab turgan o'rinlaridan pasayishdi. 

Aksincha, kecha Parij "Masters" turnirida bosh sovrinni qo'lga kiritgan daniyalik 19 yoshli Xolger Rune faoliyatida ilk bor 18-pog'onadan 10-o'ringa ko'tarilib oldi. AQSH vakili Teylor Fritc ham Top-10 tennischilar safiga qo'shildi. 

Mamlakatimizning birinchi raketkasi Sergey Fomin o'tgan haftadagi o'rniga nisbatan 6 pog'onaga ko'tarilib, ayni paytda 375-o'rinni egallab turibdi. Ikkinchi raketkamiz Denis Istomin aksincha 3 pog'onaga pastlab, 450-pog'onaga joylashdi. Humoyun Sultonov 10, Maksim SHin 8, Sanjar Fayziev 49 o'ringa pastladi. Yosh tennischimiz Mustafo Do'stov 213 pog'onaga yuqorilab, hozirda 1516-o'rinni band etgan. 

ATP reytingi. 7 noyabr kungi holat

1. (1) Karlos Alkaraz (Ispaniya) - 6820 ochko

2. (2) Rafael Nadal (Ispaniya) - 5820

3. (5) Stefanos Cicipas (Greciya) - 5350

4. (3) Kasper Ruud (Norvegiya) - 5020

5. (3) Daniil Medvedev (Rossiya) - 4065

6. (8) Feliks Oje (Kanada) - 3995

7. (9) Andrey Rublyov (Rossiya) - 3530

8. (7) Novak Jokovich (Serbiya) - 3320

9. (11) Teylor Fritc (AQSH) - 2955

10. (18) Xolger Rune (Daniya) - 2911...

O'zbekistonlik tennischilarning ATR reytingidagi o'rni:

375 (381). Sergey Fomin - 127

450 (447). Denis Istomin - 90

509 (499). Humoyun Sultonov - 68

1170 (1178). Maksim SHin - 8

1205 (1156). Sanjar Fayziev - 5

1516 (1729). Mustafo Do'stov - 3...