ATP reytingi. Ikki tennischimiz ko'tarildi, Top-10`da bitta o'zgarish ro'y berdi

Mamlakatimizning birinchi raketkasi Humoyun Sultonov bir pog'onaga yuqorilab, 223-o'rinni egallab turibdi. Ikkinchi raketkamiz Sergey Fomin qo'lga kiritilgan 3 ochko evaziga 9 pog'onaga yuqoriladi. U o'tgan hafta ham o'z hisobiga 3 ochko qo'shib qo'yishi natijasida 18 o'ringa ko'tarilgan edi. Amir Milushev o'tgan haftadagi o'rnini saqlab qoldi. Maksim SHin 3, Rahimbek Ibrohimov esa 6 pog'onaga pastlagan. 

Dunyo tennischilarining Top-10`taligida bitta o'zgarish kuzatildi. Jenevadagi chempionligini himoya qila olmagan norvegiyalik Kasper Ruud bir pog'ona pastlab, italiyalik Lorenco Muzetti bilan o'rin almashib oldi. Qolgan Top-10 tennischilar o'tgan haftadagi o'z o'rinlarini saqlab qolishdi. Reytingda hamon italiyalik Yannik Sinner katta farq bilan peshqadamlik qilyapti. 

ATP reytingi. 25 may holatiga ko'ra Top-10:

1. (1) Yannik Sinner (Italiya) - 10380 ochko

2. (2) Karlos Alkaraz (Ispaniya) - 8850

3. (3) Aleksandr Zverev (Germaniya) - 7285

4. (4) Teylor Fritc (AQSH) - 4675

5. (5) Jek Dreyper (Buyuk Britaniya) - 4610

6. (6) Novak Jokovich (Serbiya) - 4230

7. (8) Lorenco Muzetti (Italiya) - 3860

8. (7) Kasper Ruud (Norvegiya) - 3655

9. (9) Aleks De Minaur (Avstraliya) - 3635

10. (10) Xolger Rune (Daniya) - 3440

O'zbekistonlik tennischilarning ATR reytingidagi o'rni:

223 (224). Humoyun Sultonov - 250  

453 (462). Sergey Fomin - 96 (+3) 

1679 (1679). Amir Milishev - 2 

1737T (1734T). Maksim SHin - 2  

1860T (1854T). Rahimbek Ibrohimov - 1