ATP reytingi. Medvedev Top-10`ga qaytdi, ikki etakchimiz ko'tarildi, qolganlarda "minus"

Yangilangan reytingdan xuddi o'tgan haftada bo'lgani singari 8 nafar tennischimiz joy olgan. Ikki etakchi raketkamizdan tashqari qolgan tennischilarimiz reytingda pasayishdi. Mamlakatimizning birinchi raketkasi Humoyun Sultonov 2, ikkinchi raqamli tennischimiz Sergey Fomin 6 o'ringa yuqoriladi. 

Uchinchi raketkamiz Maksim SHin 6, Amir Milushev 15, Batir Sapaev 5, Abdulaziz Usmonjonov 9, Damir Abdusamadov va Rahimbek Ibrohimov bir xilda 1 pog'ona quyiga "sho'ng'ishgan". 

Dunyo tennischilarining Top-10`taligida bir nechta o'zgarish kuzatildi. Galle turniri vice-chempioni rossiyalik Daniil Medvedev Top-10`ga qaytdi. Ushbu turnir chempioni bo'lgan qozog'istonlik Aleksandr Bublik Top-30`da debyut qildi. Jek Dreyper 6-pog'onadan 4-o'ringa yuqoriladi. Teylor Fritc va Novak Jokovich aksincha pastlashdi. Italiyalik Yannik Sinner hamon dunyoning birinchi raketkasi bo'lib turibdi. Karlos Alkaraz va Aleksandr Zverev kuchli uchlikdagi o'rinlarini saqlab qolishdi. London turnirida chempion bo'lgan Karlos Sinnerga ochkolar nisbati bo'yicha birmuncha yaqinashib oldi. 

ATP reytingi. 23 iyun holatiga ko'ra Top-10:

1. (1) Yannik Sinner (Italiya) - 10430 ochko

2. (2) Karlos Alkaras (Ispaniya) - 9300

3. (3) Aleksandr Zverev (Germaniya) - 6500

4. (6) Jek Dreyper (Buyuk Britaniya) - 4650

5. (4) Teylor Fric (AQSH) - 4635

6. (5) Novak Jokovich (Serbiya) - 4630

7. (7) Lorenco Muzetti (Italiya) - 4140

8. (9) Xolger Rune (Daniya) - 3530

9. (11) Daniil Medvedev (Rossiya) - 3420

10. (10) Ben SHelton (AQSH) - 3170...

O'zbekistonlik tennischilarning ATR reytingidagi o'rni:

228 (230). Humoyun Sultonov - 247   

445 (451). Sergey Fomin - 99  

1060 (1054). Maksim SHin - 12 

1420 (1405) Amir Milushev - 4 

1774 (1769T). Botir Sapaev - 1   

1875T (1866T) Abdulaziz Usmonjonov - 1

1969T (1968T). Damir Abdusamadov - 1 

1969 (1968T). Rahimbek Ibrohimov - 1