ATP reytingi. Milushev 354, SHin 169 pog'onaga ko'tarildi, Fayziev esa reytingdan chiqarildi

Ikki hafta davom etgan Indian-Uells "Masters" turniri sabab 11 mart kuni reyting yangilanmagan edi. Bu hafta dunyo tennischilari kuchli o'ntaligida ikkita o'zgarish kuzatildi. Germaniyalik Aleksandr Zverev rossiyalik Andrey Rublyov bilan, Norvegiyalik Kasper Ruud esa polshalik Xubert Gurkach bilan o'zaro o'rin almashib oldi. 

Qolgan tennis yulduzlari esa o'tgan haftadagi o'z o'rinlarini saqlab qolishdi. Novak Jokovich reytingda hamon peshqadamlik qilyapti. Indian-Uellsda chempionlik unvonini himoya qilgan Karlos Alkaraz o'z o'rnini saqlab qoldi. Yani, u o'tgan yilgi chempionlik 1000 ochkosini ham himoya qildi.  

Mamlakatimizning birinchi raketkasi Humoyun Sultonov ikki pog'onaga pastladi. Kelishilgan o'yinlarga aloqadorlikda ayblanib, 3,5 yilga tennis faoliyatidan chetlatilgan hamda 15 000 dollar jarimaga tortilgan Sanjar Fayziev ATP reytingidan chiqarildi. Amir Milushuv oz emas, ko'p emas, 354, Maksim SHin esa 169 pog'onaga ko'tarilib oldi. 

ATP reytingi. 18 mart holatiga ko'ra Top-10:

1. (1) Novak Jokovich (Serbiya) - 9725 ochko (+50 ochko)

2. (2) Karlos Alkaraz (Ispaniya) - 8805 

3. (3) Yannik Sinner (Italiya) - 8310 (+40 ochko)

4. (4) Daniil Medvedev (Rossiya) - 7765 (+50 ochko)

5. (6) Aleksandr Zverev (Germaniya) - 5060 (+110 ochko)

6. (5) Andrey Rublyov (Rossiya) - 5970 (-40 ochko)

7. (7) Xolger Rune (Daniya) - 3875 (+155 ochko)

8. (9) Kasper Ruud (Norvegiya) - 3560 (+155 ochko)

9. (8) Xubert Gurkach (Polsha) - 3370 (-35 ochko)

10. (10) Aleks De Minaur (Avstraliya) - 3300 (+90 ochko)

O'zbekistonlik tennischilarning ATR reytingidagi o'rni:

331 (329). Humoyun Sultonov - 157

674. (674). Sergey Fomin - 46

1282T. (1451T). Maksim SHin - 5 (+2)

1502T (1489T). Denis Istomin - 2

1618T (1972T). Amir Milushev - 2 (+1 ochko)