ATP reytingi. Top-10 o'zgarishsiz, Sultonov 20 pog'onaga ko'tarildi

Dunyo tennischilarining Top-10`taligida hech qanday o'zgarish kuzatilmadi. Italiyalik Yannik Sinner reyting peshqadami sifatida navbatdagi haftani boshladi. Parij-2024 Olimpiadasi chempioni Novak Jokovich ikkinchi o'rinni egallab turibdi. Ispaniyalik Karlos Alkaraz kuchli uchlikka yakun yasab bergan.

Yangilangan reytingda uch nafar tennischimiz o'z o'rinlarini yaxshilab olishdi. Ikkinchi raketkamiz Sergey Fomin 3, Maksim SHin 4 pog'onaga yuqoriladi. Mamlakatimizning birinchi raketkasi Humoyun Sultonov esa 20 pog'onaga ko'tarilib, 264-o'rinni band etdi. Bir hafta avval Portugaliya turniridagi chempionligi uchun berilgan 22 ochko yangilangan reytingga qo'shildi. Amir Milushev aksincha, 5, Rahimbek Ibrohimov 4 o'ringa pastladi.  

ATP reytingi. 26 avgust holatiga ko'ra Top-10:

1. (1) Yannik Sinner (Italiya) - 9360 ochko

2. (2) Novak Jokovich (Serbiya) - 7460

3. (3) Karlos Alkaraz (Ispaniya) - 7360

4. (4) Aleksandr Zverev (Germaniya) - 7035

5. (5) Daniil Medvedev (Rossiya) - 6275

6. (6) Andrey Rublyov (Rossiya) - 4805

7. (7) Xubert Gurkach (Polsha) - 4055

8. (8) Kasper Ruud (Norvegiya) - 3855

9. (9) Grigor Dimitrov (Bolgariya) - 3655

10. (10) Aleks De Minaur (Avstraliya) - 3435...

O'zbekistonlik tennischilarning ATR reytingidagi o'rni:

264 (284). Humoyun Sultonov - 217 

542. (545). Sergey Fomin - 67 

1131. (1135). Maksim SHin - 9 

1690T (1685T). Amir Milushev - 2 

1932T (1928T). Rahimbek Ibrohimov - 1