ATP reytingi. TOP-10`dagi o'zgarishlar, Sultonov 6, Fomin 7 pog'ona ko'tarildi

Monte-Karlo "Masters" turniri natijalari reytingga katta tasir o'tkazdi. Xususan, tennischilarning kuchli o'ntaligida bir nechta o'zgarishlar kuzatildi. Monte-Karlo turniri chempioni greciyalik Stefanos Cicipas 12-pog'onadan 7-o'ringa ko'tarilib oldi. Finalchi Kasper Ruud (Norvegiya) esa 10-o'rindan 6-pog'onaga yuqoriladi. Andrey Rublyov 2, Xubert Xurkach va Grigor Dimitrov 1 pog'onadan pastlashdi. 

Mamlakatimizning birinchi raketkasi Humoyun Sultonov qo'lga kiritilgan 3 ochko hisobiga 6 pog'onaga yuqorilab, hozirda ATP reytingida 333-o'rinni egallab turibdi. Ikkinchi raketkamiz Sergey Fomin esa 7 pog'onaga yuqoriladi. Uchinchi raketkamiz Maksim SHin aksincha, 65 pog'onaga pastladi. Denis Istomin bir pog'onaga ko'tarilgan bo'lsa, Amir Milushuv o'tgan haftadagi o'rnini saqlab qoldi. 

ATP reytingi. 15 aprel holatiga ko'ra Top-10:

1 (1). Novak Jokovich (Serbiya) — 10 035 ochko;

2 (2). Yannik Sinner (Italiya) — 8750;

3 (3). Karlos Alkaras (Ispaniya) — 8645;

4 (4). Daniil Medvedev (Rossiya) — 7085;

5 (5). Aleksandr Zverev (Germaniya) — 5425;

6 (10). Kasper Ruud (Norvegiya) — 4025;

7 (12). Stefanos Cicipas (Greciya) — 3995;

8 (6). Andrey Rublev (Rossiya) — 3935;

9 (8). Xubert Xurkach (Polsha) — 3675;

10 (9). Grigor Dimitrov (Bolgariya) – 3640…

O'zbekistonlik tennischilarning ATR reytingidagi o'rni:

333 (339). Humoyun Sultonov - 156

642. (649). Sergey Fomin - 51

1364T. (1299T). Maksim SHin - 4 

1509T (1510T). Denis Istomin - 2

1638T (1638T). Amir Milushev - 2