Ayni paytda o'smirlar Olimpiya o'yinlariga licenziya qo'lga kiritgan sportchilarimiz soni qancha?

Xabar berib o'tganimizdek, ushbu nufuzli musobaqada oktyabr oyida bo'lib o'tadigan o'smirlar Olimpiya o'yinlariga ham licenziyalar o'ynaldi. To'rt kun davom etgan bellashuvlar yakuniga ko'ra to'rt nafar o'zbekistonlik sportchi delegaciyamiz hisobiga navbatdagi yo'llanmalarni qo'shib qo'yishdi.

Yunon-rum kurashida Asilbek Nematov (-60kg), ayollar kurashida SHohida Ahmedova (-49kg) va Svetlana Oqnazarova (-73kg), erkin kurashchilarimiz ichida esa Umidjon Jalolov (-48kg) Argentina yo'llanmasiga ega bo'lishdi.

Bugungi kunga kelib III yozgi o'smirlar Olimpiya o'yinlari uchun terma jamoamiz hisobida quyidagi sport turlarida licenziyalar mavjud:

Sport kurashlari – 4ta
Og'ir atletika – 3 ta
Baydarka va kanoeda eshkak eshish – 3 ta
Akademik eshkak eshish – 2 ta
Sport gimnastikasi – 2 ta
Sport akrobatikasi – 1 ta
Badiiy gimnastika – 1 ta
Ot sporti (konkur) – 1 ta
Taekvondo – 1 ta
Boks – 1 ta

Malumot uchun ushbu 19 ta licenziya 21 nafar sportchi tomonidan qo'lga kiritilgan. (Akademik eshkak eshish va sport akrobatikasida 2 kishilik juftlikka bittadan licenziya berilgan.) Eslatib o'tamiz, III yozgi o'smirlar Olimpiya o'yinlari 6-18 oktyabr kunlari Argentinaning Buenos-Ayres shahrida bo'lib o'tadi.