“Barkamol avlod-2021”: futbol bo'yicha hududiy bosqich musobaqalari start olmoqda

Ushbu bosqichda akademik licey va professional talim muassasalari o'quvchi-yoshlari yashil maydonda bor mahoratlarini namoyish etgan holda Respublika bosqichiga yo'llanma olish uchun kurashishadi.

Joriy yilning 30 noyabriga qadar davom etadigan futbol musobaqalariga 1-hudud uchun Toshkent shahri, 2-hudud uchun Xorazm viloyati, 3-hudud uchun Qashqadaryo viloyati va 4-hudud uchun Farg'ona viloyati mezbonlik qiladi.

Malumot uchun, “Barkamol avlod” sport musobaqalari dasturidan o'rin olgan sportning 4 ta o'yin (jamoaviy) turidan voleybol, basketbol, gandbol, futbol bo'yicha hududiy bosqich g'oliblari, 4 (to'rt)ta hududda bo'lib o'tadigan saralash bosqichida ishtirok etadi. Hududiy saralash musobaqalarida har bir sport turidan har bir hududdan faqat 1 (bir) jamoa ishtirok etishiga ruxsat etiladi. Qolgan sport turlari bo'yicha hududiy sport musobaqalari g'oliblari to'g'ridan-to'g'ri respublika final bosqichida ishtirok etadi.