Barkamol avlod-2022: Respublika final bosqichining navbatdagi g'oliblari aniqlandi

Samarqand viloyati mezbonlik qilgan ushbu musobaqada respublikamizning 14 ta hududidan akademik licey va professional talim muassasalari o'quvchi-yoshlari respublika chempionligi uchun kurash olib borishdi.

Murosasiz bellashuvlarga aylanib ketgan final bahslari tomoshabinlarda ham yuqori taassurot qoldirdi. 114 nafar o'g'il-qizlar ishtirokida kechgan bahslar yakuniga ko'ra umumjamoa hisobida Sirdaryo viloyati vakillari 1-o'rinni o'zlariniki qilishdi.

Xorazm viloyati terma jamoasiga 2-o'rin nasib etgan bo'lsa, mezbon samarqandlik yoshlar 3-o'rin bilan taqdirlanishdi.

Malumot uchun, «Barkamol avlod» sport o'yinlarining respublika final bosqichi doirasida yana belbog'li kurash, stol tennisi, shaxmat va shashka sport turlari bo'yicha jami 5 ta musobaqa o'tkaziladi.