“Barkamol avlod”: farg'onalik qizlar respublikada eng kuchli ekanliklarini isbotlashdi

Musobaqada hududiy bosqichlarda g'oliblikni qo'lga kiritgan jamoalar respublikada qaysi jamoa eng kuchli ekanliklarini isbotlash uchun parketga chiqishdi.

O'tkazilgan final bahsida mezbon Xorazm viloyati jamoasi vodiyning Farg'ona viloyati jamoasiga qarshi bahs olib borishdi. Keskin kurashlar ostida o'tgan bahsda farg'onalik qizlar chempionlikni o'zlariniki qilishdi.

Respublika final bosqichining 3-o'rini Sirdaryo viloyati jamoasi qizlariga nasib etdi. SHu bilan voleybol bo'yicha qizlar o'rtasida o'tkazilgan musobaqa yakunlandi.

Malumot uchun, ushbu sport turi bo'yicha o'g'il bolalar o'rtasida “Barkamol avlod” sport musobaqalarining respublika final bosqichi Toshkent shahrida o'tkaziladi. Musobaqaga 17 fevral kuni start berilishi kutilmoqda.

Eslatib o'tamiz, 2021 yilning dekabr oyidan boshlab “Barkamol avlod” sport o'yinlarining respublika final bosqichiga start berilgan edi.

Ortda qolgan vaqt davomida “Barkamol avlod” sport o'yinlari dasturidan o'rin olgan 4 ta sport turi bo'yicha 4 ta musobaqa o'tkazildi.