09 iyu 14:27
Yangiliklar

Futbol

"Barselona" etakchisi jarohat sababli mavsum boshini o'tkazib yuboradi

"Barselona" klubi hamda Urugvay milliy jamoasi himoyachisi Ronald Arauxo yangi mavsum oldi yig'inlarni o'tkazib yuborishi kutilmoqda.

Arauxo Amerika kubogi-2024 chorakfinali doirasidagi Braziliyaga qarshi uchrashuvning 33-daqiqasida jarohat olib, maydonni tark etgandi.

Mundo Deportivo xabariga ko'ra, Arauxoning tiklanishi uchun 8 hafta talab etilishi mumkin. U "Barsa"ning Xans-Diter Flik qo'l ostida 10 iyuldan boshlanadigan mavsum oldi yig'inining dastlabki qismini o'tkazib yuboradi.

Bundan tashqari, tekshiruvlardan so'ng tibbiy taxminlar o'z tasdig'ini topsa, 25 yoshli himoyachi La Liganing avgustdagi dastlabki turlarini o'tkazib yuborishi mumkin.