"Barselona" etakchisi uzoq muddatga diskvalifikaciya qilinishi mumkin

"Barselona" etakchisi Ronald Arauxo hamda "Liverpul" hujumchisi Darvin Nunes Urugvay va Kolumbiya terma jamoalari o'rtasidagi uchrashuv yakunlanganidan keyin muxlislar bilan urishib ketgani uchun uzoq muddatli diskvalifikaciyaga sabab bo'lishi mumkin.

KONMEBOL ushbu holat bo'yicha ish ochgan, bu ishga FIFA ham qo'shilishi mumkin. Agar futbolchilarga qo'yilgan ayblovlar o'z tasdig'ini topsa, har ikki futbolchi nafaqat terma jamoa o'yinlaridan, balki klubdagi o'yinlardan ham chetlatiladi.

Eslatib o'tamiz, Kopa Amerikaning yarim finalida Urugvay Kolumbiyaga mag'lub bo'lganidan so'ng futbolchilar va raqib muxlislari o'rtasida janjal sodir bo'lgan.