Billie Jean King kubogi. O'zbekiston Singapurga qarshi 7-8-o'rinlar uchun kortga chiqdi

Guruh bahslarini omadsiz o'tkazgan O'zbekiston terma jamoasi 7-8-o'rinlar uchun kechgan uchrashuvda singapurlik tennischilarni mag'lub etishdi. Nigina Alimova Tong Oudreyga hech qanday imkoniyat qoldirmadi - 6/0, 6/0.  Sabrina Olimjonova esa Eva Mari Desvinesdan 7/6(4), 6/0 hisobida ustun keldi.   

Oqgul Omonmurodova sardorligidagi terma jamoamiz kecha guruhning so'nggi o'yinida Eronni 2:1 hisobida mag'lub etgan edi. O'zbekiston terma jamoasi uchun bu g'alaba Billie Jean King kubogining II Osiyo/Okeaniya guruhidagi yagona bo'lib qoldi. Qizlarimiz B guruhida 1 g'alaba va 3 mag'lubiyat qayd etishdi. A guruhida 4-o'rinni egallagan Singapurga qarshi bahsda 7-o'rin taqdirini hal qildik.