20 mar 19:21
Yangiliklar

Boks/MMA

Bir jang tarixi: Klichko - CHagaev. “Oq Tayson” faoliyatidagi ilk mag'lubiyat haqida (FOTO+VIDEO)

Bir jang tarixi ruknida bu safar ukrainalik jahon chempioni Vladimir Klichko va Ruslan CHagaev jangini esga olamiz.

Jang sanasi: 2009.06.20

Jang manzili: “Veltins Arena” Gelzenkirxen, Germaniya

Jang hakami: Eddi Kotton

Jangga qadar bokschilarning natijasi:

Ruslan CHagaev 26 ta jang, 25 ta g'alaba, bitta bekor qilingan uchrashuv

Vladimir Klichko 56 ta jang, 53 ta g'alaba, 3 ta mag'lubiyat

Jangning boshida Ruslan Vladimirga qattiq bosim o'tkazishga harakat qilib ko'rdi, ammo Vladimirning chap qo'l jeblari sababli, hamyurtimizning harakatlari omadsiz yakunlandi. Ikkichi raund ham birinchisi kabi davom etayotgandi, ammo kutilmaganda CHagaev raqibining to'g'ridan yo'llagan zarbasini o'tkazib yubordi va nokdaun holatiga tushib qoldi.

Uchinchi raundda CHagaev boy berilgan ikki raund uchun harakat qila boshladi, lekin Klichkoning to'g'ridan yo'llayotgan zarbalari barcha CHagaevning rejalarini barbod qilishda davom etdi. Keyingi uchta raund ham shu tempda davom etdi, ukrainalikning jeplari unga kerakli ochkolarni taqdim etishda davom etdi.

Ettinchi raundga kelib, bokschimiz ustunlikni qo'la olishga urinib ko'rdi, ammo yana bitta kuchli zarba o'tkazib yubordi, buning natijasida uning chap ko'zidan qon oqishni boshladi. Sakkizinchi va to'qqizinchi raundlarda CHagaevning jarohati borgan sari kattalashishda davom etdi.

9 va 10 raund oralig'idagi tanaffus vaqtida CHagaevning burchagi jangni davom ettirmaslikka qaror qildi. SHu tariqa, Klichko navbatdagi g'alabasini qo'lga kiritdi. CHagaev esa faoliyatidagi ilk mag'lubiyatni qabul qilib oldi.