Bir jang tarixi. Mayk Tayson - Evander Xolifild II (FOTO+VIDEO)

Bokschilar o'rtasidagi ilk jang 1996 yilning 9 noyabrida Las-Vegasdagi “MGM Grand” arenasida bo'lib o'tadi. Kutilmaganda jangning 11-raundida Xolifild Taysonni nokaut qilib WBA kamariga ega chiqqandi. Xolifild birinchi shartnomada imzolangan kelishuv bo'yicha, revansh jangiga rozilik berishi lozim edi va shu tarzda ikkinchi jang ham tezlik bilan amalga oshiriladi. Birinchi jangdagi g'alabaga qaramasdan, Evander ikkinchi bahsda ham autsayder edi.

Jang sanasi: 1997.06.28

Jang manzili: “MGM Grand” Las-Vegas AQSH

Jang hakami: Mills Leyn.

Revanshga qadar bokschilarning natijasi: 

Mayk Tayson 47 ta jang (45 ta g'alaba, 2 ta mag'lubiyat, 39 KO)

Evander Xolifild 36 ta jang (33 ta g'alaba, 3 ta mag'lubiyat, 24 KO).

XX asr so'nggi o'n yilligining eng qiziqarli va janjalga boy o'tgan bahsi 1997 yilning 28 iyun kuni o'tkazildi. Jang superog'ir vazn toifasidagi eng ko'p muxlis to'plagan uchrashuv va Taysoning eng omadsiz to'qnashuvi sifatida tarixga kirgan. Uchrashuv gongi chalinishi bilan Tayson ilk jangida bo'lgani singari tezkor hujumlarni boshladi. Ammo ilk jangdan farqli ravishda Xolifild bunday hujumlarga tayyor bo'lib chiqqandi. SHundan so'ng Evander bir nechta kuchli jep zarbalari bilan Taysonga xavf tug'dira boshladi. Birinchi raund yakuniga yaqin esa Xolifild kuchli hujum uyushtirib, Taysonga daxshatli zarbalar yo'lladi. SHu tariqa, ilk raund Xolifildning foydasiga bo'ldi. 

Ikkinchi raundda ham Tayson hujum bilan boshladi, ammo Xolifild ham unga hujumlar bilan qarshilik ko'rsatishda davom etdi. Raundning dastlabki daqiqasida “Temir Tayson” kuchli kross zarbasini yo'llashga harakat qildi, ammo Evander bundan qochib qoldi va qarshi hujumda kuchli zarba yo'lladi, buning natijasida Taysoning qoshidan qon oqishni boshladi va ikkinchi raund ham Evander foydasiga hal bo'ldi. 

Uchinchi raund. Bu raundda Tayson yaxshi hujum tashkil qilishi natijasida Evanderning tana va boshiga bir nechta kuchli zarbalar yo'llashga erishdi. Uchinchi raundda Taysonning ustunligi ostida kechayotgan bahsda kutilmaganda Evander baqirib yubordi. Jang hakami esa bahsni to'xtatdi. O'sha holatda Tayson Xolifildning qulog'ini tishlab olgandi. SHifokorlar ringga ko'tarilishdi va jangni davom ettirishga ruxsat berishadi, ammo bahs qayta tiklanganidan so'ng Tayson raqibini yana bir bosh tishlab oldi, bu safar esa u raqibini qulog'ining bir qismini uzib olgandi. SHu tariqa, jang uchinchi raunddan so'ng yakunladi. Tayson diskvalifikaciya qilindi, Xolifild esa jang g'olibi deb elon qilindi.

JANGNING ENG QIZIQARLI VAZIYATLARI

Nig'monxo'ja Nozimov tayyorladi