Bobousmon Baturov “Sardoba” suv ombori toshqinidan jabrlanganlar bilan uchrashdi + FOTO

Evakuaciya qilingan hamyurtlarimizdan 215  nafari Jizzax ixtisoslashtirilgan  olimpiya zaxiralari maktab-internati yotoqxonasiga joylashdi. Yurtdoshlarimiz kelgan kunidanoq  maktab -internati raxbariyati tomonidan beetibor qolmadi. Ularning vaqtlarini mazmunli o'tazish maqsadida sanitariya qoidalarini inobatga olib, maktab-internati murabbiylari tomonidan mini futbol, voleybol, stol tennisi kabi sport turlari bo'yicha musobaqalar o'tkazildi. 

Bugun esa hamyurtlarimizning ko'nglini ko'tarish maqsadida Jizzax ixtisoslashtirilgan olimpiya zaxiralari maktab-internati tarbiyalanuvchisi, Jahon chempionati bronza medali sohibi, Olimpiada yo'llanmasi sohibi Bobousmon Baturov tashrif buyurdi. Uchrashuv davomida yurtdoshlarimiz o'zining qiziqtirgan savollariga javob olishdi. Uchrashuv so'nggida musobaqalarda g'olib bo'lgan bolajonlarga Bobousmon Baturov tomonidan sovg'alar topshirildi.

Dildora Xolboeva tayyorladi